Masokista by Jonah Ducay

Sa kinabuhi sa tawo,

dili kita pirming makaamgo

sa mga kasayupang atong nabuhat,

dili pa kaamgo bisan man lang ug ahat.

Usahay, kinahanglan ka masayop

aron makat-on ug matuhop.

Usahay, angay kita masakitan,

aron makatultol sa sakto nga dalan.

Sama sa tawo nga nasaag

sa kakugnan sa gugmang maanyag.

Sama sa adlaw nga nag-inusara

sa langit nga pwerteng dakoa.

Ingon-ana kalisod ang madakpan sa gugma,

pastilan gyud bayang pagkalisura.

Ingon-ana ang gugma kung malapnusan,

pastilan gyud bayang hapdosa sa dughan.

Pero nganung bisan kapila nasamad,

magsige man gihapon ug dasmag?

Pagkapaet gyud sa mga katawhan,

wala gyu'y giilang katagaman.

Bisan gidunggab na sa luyo

gusto pa gyud magpadapog ug tuyo.

Hay gugma!!

nganong pagkasakit ba?

pero ug ikaw matilawan na

hastang kasakit malimtan na!

bisag dughan gitusok mo na

ang mag-agwanta kayahon pa!