Genevieve's Collection of Cebuano Poems

Ibog-ibog

by: Genevieve L. Caballes

Sa unang higayon ikaw nasiplatan

Nikalit og kahimsug ang luya kung mga mata

Ambot lang unsa ning gibati ko

Para kanimong kas-a ko pa lang nalantawan.

Gipukaw nimo ang nakatug kong dughan

Gipahayagan sama sa adlaw sa kabuntagon

Gipasayaw uban sa agohoy sa hangin

Gipakanta sama sa mga twit-twit sa langgam.

Kada labay nimo sa akong atubangan

Nagtagaktak ang singut nga pagkadakua

Pagkapas-pas sa pitik ning dughan ko

Mura gayud gigukod og baboy ihas.

Kung dili man mahitabo na ikaw maangkon

Sa kasing-kasing ko na lang ikaw ibahandi

Taguan sa suok sa akong huna-huna

Kay kining tanan kutob lang sa ibog-ibog.

Gugma, hain ka? 
By: Genevieve L. Caballes

Aduna koy gipangita

Wala ko masayud kung kinsa kaha

Sa damgo lang naku siya malantawan

Nagtalikud og hanap-hanap pa usab.

Asa kaha ning lakiha nga akong gipa-abot

Nga magpauntol sa gapuyo kung kasing-kasing

Ang makapalagsik sa galuya kung lawas

Ang makapa-awas sa kalipay sa kinabuhi ko.

Kanus-a kaha mi magkaila-ila

Magkaistorya-ay og magkahagik-ikay

Mag ginoksanay og maghinalokay

Og magpada sa biga sa humok nga kutson.

Dugay-dugay na pud ko ngpa-abot kanimo

Asa naman ka napadpad ning kalibutana

Ayaw naku papaabuta og dugay

O Gugma, hain ka?

Hotdog Bunwich
by: Genevieve L. Caballes

Kapuwa ba gayud sa imung hotdog

Gamantika sa kainit sa kaha

Nagtubod ang akong laway

Nagpamaak ang akong mga ngabil

Ganganga ang akong baba

Andam nang moingkib

Sa hotdog nga puwa.

Pamahaw, paniudto og panihapon

Hotdog lang gihapun ang kan-on

Dili ko mapul-an

Sa imung duga nga mapug-an

Nagkuha ko ug pandesal

Gipikas, gibulikat ug gipasiritan

Sa ketsup nga puti

Ako dayon gihapnigan

Sa hotdog nga puwa.