Bisan sa Kagabhi-on by: Melisa Avila

 
Paminaw gud buwan sa akong pagtawag
Kay nalibog lang jud ko
Nganong kas-a ra ka motunga?
 
Ang adlaw gikapoy na kay naning kaayo
Kanunayng magpakita sa mga taw’ng nanimaho
Og singot sa pobre og datu
 
Mga bitu-on sa langit ako nang inihap
Pito gani na sila ka membro
Pero ‘sahay mokalit la’g usab
Kay naa’y moapil-apil na galupad
 
Mahimo bang mohangyo ko?
Na buwan pulihan mo si adlaw
Ug ikaw adlaw panaghan na
Tan-awn ta’g daku ka pa ba gihapon
Bisan sa kagabhi-on