MARI AURALYN Y. AGUIHON BSED IV

SA DIHANG NATAGAK SI DODONG
UG SA KANHI DALANG PLARIDEL SIYA NAGLAKAW,
WALA'Y NITUKAW SA IYANG UTOK
KUNDILI ANG MAHADLOK NGA PUNGPONG SA NANGAPUTOL NGA KAMOT
NGA KANHI NASAKSIHAN SA LUYO SA ESKWELAHAN.

ANG KAUBANG GAHIGUS, NGA NAYUGYOG ANG LAWAS UG ULO
SA DAGHANG PUSPUS
SA PATID
SA DAGKONG SIKMO.

MAGSIGE UG PANUKTUK SA IYANG KUTKOT ANG GAMAY'NG TINGOG...
"SA KADALI LANG JUD...LINGI RA GUD...'
ANG USA BA KA DALIT SA PAGTAN-AW IHIKAW NA LANG?
UNSA KAHAY TUMUNG SA PAGPALINGI?
UNSA KAHA'Y MABATI KUNG MULINGI?
UNSA KAHAY MAKITA KUNG MULINGI?

DILI BA KAHA MAMASIN SA UTOK NI DODONG
NGA MAKITA ANG GAPUNGPUNG NA KAMOT.

UNSA KAUT-UT SA PANGISIP NI DODONG?
UNSA KALUGDANG SA TINUBIGANG LAPUK ANG UTOK NI DODONG?
NGANUNG MAGRUROK MAN GAYUD SA IYANG UTOK
ANG GAPUNGPUNG NGA KAMOT?

 SA DIHANG NAGLAKAW SA NGITNGIT NGA ESKINITA
NABATI ANG KATUGNAW SA TUBIG DANAW.
SA DIHANG PAGTIKANG, NITIGALBUNG SIYA.
WALA MAKATUKOD, NIDAILAS.

 SA PAGKALUKAPA NI DODONG NAKAHINGUD SIYA,
"SIYA RA MAN DIAY'NG USA, KINSA ANG GAKASIKAS?"


HINGKUD NA?

NAMASIN AKO
NGA KUNG AKO MUTUBO
AKO HINGKUD NA.
NAMASIN AKO
NGA KUNG AKO MABUNGUTAN
AKO HINGKUD NA.
NAMASIN AKO NGA KUNG AKO MUBUGDO ANG DUGHAN,
AKO HINGKUD NA.
NAMASIN AKO
NGA KUNG MUPIYUK ANG AKONG TINGOG,
AKO HINGKUD NA.
NAMASIN AKO
NGA KUNG AKO NATULI NA,
AKO HINGKUD NA.
NAMASIN AKO
NGA KUNG AKO MAKATILAW NA
UG TAM-IS, PAIT, PARAT UG ASLOM,
AKO HINGKUD NA.

NILABAY ANG KATUIGAN.
NAKAUYAB, NAKAPAANAK,
APAN DILI PA GIHAPON.
UNSAUN KAHA NAKU PAGHANTUNG
SA AKONG SAKTUNG PAGKAHINGKUD?

NIINGUN SI PAPA,
"BISITAHA RA GUD SIYA DIDTO SA IYANG BALAY,
TINGALI MAHINGKUD KA."

NITUMAN AKO SA IYANG SUGYOT.

SA PAG-ABLI SA PULTAHAN,
NAGABARUG SIYA SA AKONG ATUBANGAN,
NATULALA, NAKAHILAK SA KALIPAY.
SA IYANG HUGOT NGA PAGGAKOS,
ADTO NIKUPOS ANG TANANG LIBUG SA AKONG KINABUHI.
SIYA DIAY ANG MAKAHINGKUD NAKU UG TAMAN.



HAHAY!

NAGPATUYANG NAPUD KO S AKONG GIBATI.
WALA NAMINAW NI MAMA NGA TIWASUN ANG ASSIGNMENT.
WALA NAMINAW NI MAMA NGA MAGTUON PARA SA EXAM.
WALA NAMINAW NGA AMANGANDAM PARA UGMA.
PULOS NA LANG MGA PASARING.
PULOS MGA WALA'Y TUMONG NGA MGA BINUHATAN.
UNTA MAGTINARUNG NA KAY HAPIT NA MUKUPOS ANG KATUIGAN.
UNTA DILI NA MAGPATUYANG SA MGA SINYALANG BUHAT.
APAN, MAU LANG GIHAPUN, TABLA RA'Y WALA GABUHAT.
ANG PANGYUGPOS NI MAMA,"HAHAY!"
ANG PANGHUPAW NI PAPA,"HAHAY!'
ANG SUNGOG NI MEMANG,"HAHAY!"
UNSA KAULAW NGA MGA PULONG, UNTA'Y MUDOT NA KINI.