ILA-ILAHA by: Marvie Chinny D. Abella

Tungod sa ilang mga barkada,
Si inday ug dodong nagkaila-ila.
Diha diha nagkagusto sa usa’g-usa
Sama kadali sa pagyarok nila sa tequila.

Adlaw-adlaw sila magtext-text, magtawagay
Ug magkita-kita sila sa kanunay.
Dili na gayud mapugngan ang duha
Kay lagi gugma na ang gibati nila.

Wala nila damha, sa dili madugay
Mahimo na silang nanay ug tatay,
Nibunga ang ilang paghinigugmaay
Pero puno kini sa pagmahay.

Si inday wala gayud masayod
Nga si dodong maayo diay kaayo mo limud.
Gihimo ra diay siyang ikaduha
Kay ang laking gihigugma minyo ug duna nay laing pamilya.

Ang kinabuhi dili permi kasadya sa pesta,
Naa gayu’y panahon nga ikaw magmaya.
Ingon ini daw ang resulta
Kung muhamag lang ka ni bisa’g kinsa.