Siya usa ka ok-ok –
Mahimamat sa kahayag ug kagawasan sa kagabhion
Apan mutago sa kadulom ug kahadlok sa kabuntagon.
Sa iyang mubong paglupad,
Siya mupilit sa bisan – asang bungbong
Ug sa panit sa taw’ng iyang paakon.
Kay sa hugaw ug ngitngit siya nahimugso,
Sa hugaw ug ngitngit pud siya nagkinabuhi.
Sila nga nagtalaw sa kaisog nagdumot sa ok-ok.
Gi-tabangan siya’g hapak sa tsinelas sa pagluod ug kasuko.
Patyon siya’g bubo sa makapaso nga muriatik ug sabon.
Samot, putlon pa gayod iyang ulo
Unya biyaan nga nagwiri-wiri.
Apan kay kining ok-oka kusgan,
Siya nanaghan.
No comments:
Post a Comment