Sa atbang sa iskwilahan nako pirmi makit-an ang mais sinugba
Makaibug gyud kini kay kanunay ning nagngisi bisag di ngisihan
Lami kini bisag gisilutan pa sa kainit sa baga
Lingaw kan-un kay dugay mahurut
Tungud sa gahuut ug gapunduk niyang mga ngipun
Di maalakansi ang mupalit niini
Tungud kay siguradu kong makaayun sila sa lasa
Sa akong P30 na balun adlaw-adlaw, aku gyud itagu daan ang katunga
Para makapalit ko'g mais sinugba
Tungud sa akong kahilig niini,gibugalbugalan ko sa akong mga higala
Ug niingun, "Ayaw ug plabi ana uy, maapil gyud na imung lagus sa kaitum"
Di ko kasabut nganung ingun ana lang ilang pagtan-aw niya
Nga wala man ta siyay gipasakitan
Wala lang sila masayud nga siya ang tinuud nga naghatag ug kalipay kanako
Tungud kay nagpabilin siyang pasensyusu ug malipayun bisag kanunay siyang
Gisilutan sa baga.
No comments:
Post a Comment