Bisbisi ang nalayang tanum sa akong mga pangandoy!
Hambuki kini sa imong dakong paghigugma.
Abonohi ug atimana kini pag-ayo,
Aron dili kini mamatay sa kasakit.
Kun walay init sa adlaw nga mudasig,
Kun walay abono nga mupatambok,
Kun walay tubig nga mubisbis,
Unsaon nalang pag- asenso niini?
Ang pangandoy daw sama sa tanum nga nagtubo.
Nagkinahanglan kini sa tim-os nga pag amuma.
Kun biyaan lang kini ug pasagdang patubu-on,
Daghang sagbot ang mukapyot ug mu-ilog niini.
No comments:
Post a Comment